«Қазақстан, сен жайлы ән саламын!»: патриоттық әндерді орындаудан сайыс

25 қараша күні Абай атындағы кітапханада «1-желтоқсан – Қазақстан Республикасының Тұңғыш Президент күніне» орай «Қазақстан, сен жайлы ән саламын!» атты патриоттық әндерді орындаудан  сайыс өткізілді.

Сайыстың мақсаты: оқушыларды отансүйгіштікке, елжандылыққа шақыру және патриоттық сезімдерін оятуға бағытталған. Елін сүйген, елі сүйген Елбасынан үлгі алуға тәрбиелеу және бауырмалдық сезімін қалыптастыруға негізделген.

Тұңғыш президент күні 2011 жылды 10 желтоқсанында парламент сенатының толық отырысында қол қойылып, бүкіл елден қолдау таба білген мереке. Бүгінде бұл мереке өте үлкен деңгейде тойланып өтуде. Бізде өз үлесімізді қосу үшін осы шарамызды ұйымдастырып отырмыз. Қазақстанның егеменді ел атануына Елбасының қосқан үлесі зор. Тәуелсіз Қазақстанның іргетасын қалап, шекарасын шегелеп, болашаққа бағыт-бағдар берген Тұңғыш Президенттің халық алдындағы еңбегі ұшан теңіз.

Тұңғыш Президент күніне орай ұйымдастырылған  «Қазақстан, сен жайлы ән саламын!» атты сайыста  «Қазақстан», «Отан», «Туған жер», «Елбасы», т.б. тамаша шығармаларды  орындау  бойынша үздіктер анықталды. Сайысқа  қаламыздың мектеп оқушылары ғана емес сонымен қатар, қалаға жақын ауылдық мекендердің мектеп оқушылары қатысты. Атап айтсақ, Шехоман ауылынан келген қонақтар болды. Ұйымдастырылған  шараға қаламыздағы №5, №6, №18, №47 ЖББ мектептерінің оқушылары және №8 балалар үйінің  тәрбиеленушілері  қатысты.

Әділ-қазылар тарапынан бағалау 5 балдық көрсеткішпен қойылды. Сайыс қортындысы бойынша үздіктер анықталып,  әділ – қазылар  шешімі бойынша келесідей орындар тағайындалды. Кіші жастағы балалар арасында бірінші орын №5 мектеп-гиназияның 5 сынып оқушысы Айткалиева Данаға, екінші орын №47 мектептің 2 сынып оқушылары дуэт Аяжан Алмасқызы мен Тюлеубаева Айданға берілді. Ал үшін орынға №5 мектеп – гимназияның 5 сынып оқушысы Ержанова Айзере ие болды.

Ортаңғы жастағы балалар арасында бірінші орын Шехоман ауылынан келген қонағымыз Болатов Диас пен №18 мектептің 8 сынып оқушысы Миханова Камалияға тағайындалды.  Екінші орынды Шехоман ауылынан келген сайыскеріміз Жадрина Камалия және №8 балалар үйінің тәрбиеленушісі Рожинцева Виктория алды. Әділ-қазылар шешімі бойынша үшінші орынды №8 балалар үйінің тәрбиеленушісі Муратханова Бақтиза жеңіп алды. Орын алған сайыскерлерге мадақтау қағаздары табысталды. Мәдени іс-шараның жоғары деңгейде өтуіне қолдау көрсеткен ұстаздар мен басқа қатысушыларға алғыс хаттар берілді.

1-желтоқсан – Қазақстан Республикасының Тұңғыш Президент күніне орай «Қазақстан, сен жайлы ән саламын!»: патриоттық әндерді орындау  сайысына қатысушылардың құрметіне ән шырқалып, би биленді.  Мәдени шараға қатысушылардың назарына «Ел. Елбасы. Елорда» атты кітап көрмесі ұсынылды. Кітап көрмесіне кітапхананың қорынан Н.Ә.Назарбаевтың өмірі мен қайраткерлігі туралы кітаптар, мен мақалалары қойылып, шолу жасалынды. Шара соңында кітапхана қызметкерлері  оқушылар мен ұстаздарға үлкен алғыстарын білдіріп,  кітаптарды сыйға тартты.