Электронды кітапхана: тұсаукесер

30 қарашада Абай атындағы кітапханада қалалық №1 Н.Г. Чернышевский атындағы мектептің 9-шы сынып оқушыларымен «Кітапханамен бірге оқимыз» жобасы аясында кездесуі өтті. Абай атындағы кітапхана қызметкерлері жас оқырмандарды кітапхананың сайтымен, интерактивті электронды мүмкіндіктерімен таныстырды. Оқырмандар «Виртуальды анықтаманы» пайдалану жолдарымен танысты. Жас пайдаланушылар назары «Алаш» электронды кітапханасына аударылды. Мектеп бағдарламасына ақпараттық базасының молдығымен игі ықпал ететін электронды кітапхана оқушыларға ұнады. Кездесу барысында оқушылар сирек басылымдар қорынан латын қарпіндегі ұлт зиялылары шығармаларымен де жақын танысты. Кітапхананың екінші қабатында орналасқан кітапхана қорындағы латын қарпіндегі кітаптардың көрмесі ұсынылды.