Көшбасшы даналығы: кітап көрмесі
30 қарашада Қазақстан Республикасының Тұңғыш Президент күніне орайластырып, Өскемен қаласындағы Шығыс Қазақстан облыстық Драма театрында Абай атындағы кітапхана қызметкерлері «Көшбасшы даналығы» атты кітап көрмесін ұйымдастырды.
Көрмеде Нұрсұлтан Әбішұлы Назарбаевтың өмірбаяны мен қызметі, Қазақстан Республикасының Тәуелсіздігін алған күннен бастап бүгінгі күнге дейінгі Елбасымыздың мемлекетіміздің дамуына қосқан үлесі жайлы басылымдар ұсынылды. Оқырмандар сирек басылымдар қорындағы латын қаріптерімен терілген «Қазақ тілінің грамматикасы» С.Аманжолов, «Орыстарға қазақ тілін үйреткіш» Телжан Шонанұлы, «Қызыл әскер әліппесі» Ғабит Мұсірепов және Ұлы ақын Абай мен Жамбылдың шығармаларын қызығушылықпен тамашалады.
