Microsoft Excel бағдарламасымен жұмыс: практикум
2018 жылы ақпан айының 6-9 аралығында кітапханашы мамандардың кәсіптік біліктілігін жетілдіру мақсатында кітапхана қызметкерлерінің бірінші тобы үшін «Microsoft Excel бағдарламасымен жұмыс» атты практикумы өткізілді. Шараның мақсаты: кітапхана қызметкерлерінің білімін кеңейту және алған тәжірибелерін кәсіби қызметтерінде қолдануын қадағалау. Оқу барысында білім беру шарасына қатысқан қызметкерлер Excel электронды кестелерін формула, есеп, диаграмма арқылы жасау, сақтау, өндеу және пішімдеуін үйренді. Практикумда кітапханашы мамандарға Microsoft Excel бағдарламасы туралы жалпы ақпарат, терминдер, түсініктемелер, әмірлер туралы қысқаша ақпараттар берілді. Оқыту бағдарламасында Microsoft Excel бағдарламасының негізі, жасау үлгілері, қызметін қолдану сұрақтары қарастырылды. Кітапханашылар алған білімін өздерінің кәсіби қызметтерінде пайдалануына мүмкіндік алды.