Ұлылар мұрасын таныстырушы (Абайдың жиені Балтабек Ерсәлімовтың туғанына 80 жыл толуына орай): портрет кеші

  • 30.03.2018

Журналист, мәдениет қайраткері және Абайтанушы Балтабек Ерсәлімовтің туылғанына биыл 80 жыл. Соңғы жиырма жылдың ішінде, «Абай» қорының президенті бола тұрып, Балтабек Ерсәлімов Ұлы Абай мұрасын насихаттауға зор үлес қосты. Осы орайда, ағымдағы жылдың 30 наурызы күні Абай кітапханасында «Ұлылар мұрасын таныстырушы» атты портрет кеші өткізілді.

Шараға қатысушылар мерейтой иесінің өмірбаяны мен шығармашылық жолы жайлы мерейтой иесінің өз аузынан естіді. Әңгіменің қызықты жері

Б. Ерсәлімовтің Абаймен туыстығы, Абай жайлы жазған кітаптары туралы болды. Б. Ерсәлімовтің қаламынан «Әлемнің Абайы, Қазақтың дана ойы», «Абай туралы айтылған», «Ұлы Абайдың жиені» кітаптары мен автордың әр жылдары қазақ және орыс тілдерінде жазған эссе және мақалалары, сонымен қатар өлеңдер жинақтары туған. Бұл кітаптар Абай мұрасын одан әрі зерттеуге үлкен септігін тигізеді.

Шараға кітапхана оқырмандары, студенттер мен Ә. Қашаубаев атындағы филормония әртістері және қаламыздың зиялы өкілдері – Отантай Кәрібжанов, Асан Омаров, Кеңес Райымбеков қатысты.