Ертегілер еліне саяхат: кітап десанты
Сәуірдің 3 күні Абай атындағы кітапхананың балалар бөлімінің қызметкерлері қаламыздағы Н.Г.Чернышевский атындағы №1 ЖОББ мектептің 1 және 2 сынып оқушыларына 2 сәуір – Халықаралық балалар кітабы күніне орай «Ертегілер еліне саяхат» тақырыбында кітап десанты өткізді.
Шара барысында оқушыларға балалар кітабы халықаралық кеңесінің шешімімен 1967 жылдан бастап балалардың сүйікті ертегішісі Ганс Христиан Андерсеннің туған күні, яғни 2 сәуір халықаралық балалар кітабы күні деп бекітілгені туралы ақпарат берілді. Кітап десантының басты мақсаты балаларды әдебиетке қызуғушылықтарын арттыру, кітап оқуға үндеу, адам өмірінде кітаптың алар орны ерекше екенін түсіндіру, «кітап – білім бұлағы, ал «білім – өмір шырағы» екенін жеткізу.
Мәдени шарада кітапхана қызметкерлері кітап қорындағы жаңадан келіп түскен балалар әдебиеттерімен, танымдық энциклопедиялармен, танымал жазушылардың көркем шығармаларынан кітап көрмесін жасақтап, жан-жақты таныстырып өтті. Шара соңында балалар оқыған кітаптары мен ертегілерден алған әсерлерімен бөлісті.
