Менің қаламның тарихы. Танымал тұлғалар: өлкетану қонақжайының отырысы
2018 жылдың 16 маусымындағы өлкетану қонақжайының кезекті отырысы «Менің қаламның тарихы: таңымал тұлғалар» тақырыбына арналды. Бұл жолы шара қонақтарын қаламыздағы танымал өлкетанушылар Виктор Иванович Гущин, Виктор Николаевич Кашляк және Феодор Владимирович Зонариндердің өмір жолдарымен таныстырды. Бұл адамдардың есімдері біздің қаламыздың тарихымен тығыз байланысты. Өздерінің саналы ғұмырын Семей өңірінің жер-суын, тау-тасы мен тарихын зерттеуге арнаған арда азаматтар арттарынан өшпес із қалдыра білді. Осы тұлғаларды туған қаласына деген махаббат пен сүйіспеншілік бір жерге тоғыстырды. Олар келер ұрпаққа өздерінің ғылыми еңбектерін, кітаптарын, оқу құралдары мен деректі фильмдерін қалдырып кетті. Шараға сонымен қатар осы азаматтардың туған-туыстары мен дос-жарандары да қатысып, өзерінің естеліктерімен бөлісіп, өлкетану қонақжайын жандандыра түсті. Аталмыш азаматтарға арналып құрылған кітап көрмесінен қала тұрғындары олардың отбасы мұрағатынан алынған құжаттар мен фотосуреттерді, кітаптары мен археологиялық жәдігерлерін тамашалап, үлкен қуанышқа ие болды.
