Семей – тарихи қала: кең көлемді: кітап көрмесі

Шығыс Қазақстан облыстық Абай атындағы әмбебап кітапханасында 20 қыркүйек күні Қала күні мерекесіне орай «Семей – тарихи қала» тақырыбында кең көлемді кітап көрмесі ұйымдастырылып, шолу жасалды.
300 мыңнан астам халқы бар Семей  өңірдің тарихы орасан бай, рухани тынысы кең, «ұлылар мекені» деп аталған айрықша атырап. Семей – біздің еліміздің арғы-бергі тарихындағы  тағдыры ерекше, даңқы зор, рухты қала. Өз бойына ата-бабаларымыздың  даналығын сіңірген, Абай, Шәкәрімдей ұлы тұлғалар  өмір сүрген киелі жер. Тарихи оқиғаларға бай қазақ елінің белді мекені.

Көрмеге Семей қаласының тарихы, мәдениеті, Семей қаласының ақын жазушылары, білім және ғылым ошақтары, экономикасы туралы мағлұматтар беретін 50-ден аса кітаптар мен мерізімді басылымдар қойылды. Атап айтсақ: Ә.Сәдуақасұлының «Семей өңірінің құрметті азаматтары», Д.Сейсенұлының «Семей елі, жері», Е.Сағындықұлының «Семей өңірінің тарихи деректері», «Семей өңірінің ақын-жазушылары», «Семей өңірінің тарихи-мәдени орындары», «Семей өңірінің әнші-сазгерлері» тақырыптарындағы библиографиялық көрсеткіштер, В.Н.Кашляктың «Семипалатинское купечество: Плещеевы», «Храмы Семипалатинска: прошлое и настоящее», Ж.Қасымбаевтың «История города Семипалатинска (1718–1917)» және  Семей өңірінен шыққан ақын жазушылардың кітаптары мен  Қала тынысы жайлы мерзімді басылымдар  ұсынылды. Аталмыш шараға кітапхана пайдаланушылары, қала қонақтары, спорт колледждің студенттері қатысып, қала тарихына байланысты ұсынылған ақпараттарға ерекше қызығушылықтарын танытты.