Отты жылдар елесін, кітаптан оқып білесің: буктрейлер

17 сәуір күні біздің кітапханада, «Ұлы Жеңіске – 70 жыл» мерейтойлық шаралар бағдарламасы аясында, «Отты жылдар елесін, кітаптан оқып білесің» тақырыбында буктрейлер ұйымдастырылды.

Буктрейлерге халықтың басына төнген сол бір сұрапыл, отты жылдардың ауыр күндері, соғыс ардагерлерінің ерен ерліктерін паш ететін соғыс туралы кітаптар енді. Оның ішінде Борис Васильевтің «В списках не значился», «А зори здесь тихие…», «Завтра была война»; Юрий Бондаревтің «Горячий снег»; Виктор Некрасовтың «В окопах Сталинграда»; Константин Воробьевтің «Убиты под Москвой»; Бауыржан Момышұлының «За нами Москва», тағы басқалары. Сонымен қатар буктрейлерға Ұлы Отан соғысы туралы көркем және деректі фильмдерден үзінділер қосылды. Іс шара «Батыр-қазақстандықтар Ұлы Отан соғысында» атты мультимедиалық викторинамен жалғасын тапты.

Қатысушылар викторина сұрақтарына жауап беру арқылы қазақстандық Ұлы Отан соғысы батырлары: Мәлік Ғабдуллин, Хиуаз Доспанова, Қасым Кайсенов, Төлеген Тоқтаров, Маншүк Мәметова, Әлия Молдағұлова сынды есімдері аңызға айналған тұлғаларымыз жайында толығырақ мәлімет алды. Белсене қатысқан М.О.Әуезов атындағы педагогикалық колледжінің студенттері: Азанбеков Асхат және Бақтықалиева Әйгерім кітапхана атынан сыйлыққа ие болды. Көпшілік оқырман үшін: «Ұлы Отан соғысы көркем әдебиет беттерінде» тақырыбында кітап көрмесі ұсынылды.