«Ымырттағы кітапхана» акциясы

2015 жылдың 22 сәуірі күні біздің кітапханада кандидаттарды қолдауға арналған акция өтті.

Бұл жолғы қолдау тұғырында тұрған Президентке арналды. Шара барысында елдің саяси өмірінде сайлау ең басты оқиға екендігі, сайлауға қатысу –әр адамның азаматтық борышы болып табылатындығы туралы сөз болды.

Акция барысында Қазақ хандығының 550 жылдығына арналған «Тәуелсіздік толғауымен» әнші-композитор Құсмілия Нұрқасым жыраулық дәстүрімен өз биігінен көрінді. Мәдени шара барысында «Тәуелсіздік жолы» атты слайдтар топтамасы көрсетіліп отырылды. Қатысушылар «Елбасымен нұрлы болашаққа» атты жасақталған кітап көрмесімен таныстырылып, Қазақстан Республикасының Президенті Нұрсұлтан Назарбаевтың кітаптарына шолу жасалды.

Аталмыш акцияда «НұрОтан» партиясы саяси мененжмент мектебі шығыс аймақтық филиалының директоры – Айдар Самаев, «Ақжол» партиясы Орталық ақпараттық-идеологиялық бөлімінің меңгерушісі- Айдын Рысбек, «Ауыл ақсақалдары» қоғамдық бірлестігінің төрағасы – Сағындық Бейсембаевтар сөз сөйлеп, өз ойларын ортаға салды. Сонымен бірге акцияға қаламыздағы зиялы қауым өкілдері, колледж студенттер мен, қала тұрғындары қатысты.