Бейбітшілік. Келісім. Достық: кітап көрмесі

2016 жылы 1 наурыз күні Абай кітапханасының оқырмандарға қызмет көрсету бөлімі Алғыс айту күні мерекесіне орай «Бейбітшілік.Келісім.Достық» тақырыбында кітап көрмесін ұйымдастырды.

1995 жылы 1 наурыз Қазақстан халықтар Ассамблеясының құрылуымен 2015 жылы мерейтойлық атаулы күндерін тойлау үстінде Елбасы сол күні 1- наурызды «Алғыс айту» күні деп белгілеуге ұсыныс айта отырып, жарлық шығарды.

Бұл күннің арнайы мерекелік күн болып аталуына ерекше тарих куә десек болады. Сталиндік режимнің шырқап тұрған уақытында әртүрлі ұлттар жер аударылды. Олар ешқандай дүние- мүліксіз, тіпті еш құжатсыз әр бағыттарға жөнелтіліп жатқан вогондарға тиетіліп кез-келген жерлерге, айдалаға тасталып кетті. Өмірлерінің алды көк тұманға толы әр ұлт өкілдері болашағы дүдамал күйде еді. Иә, бірақ олардың жолы болды. Олар қазақ территорияларына әкелініп, қазақ ауылдарына тасталып кеткен болатын. Жүректерін қорқыныш билеген басқа ұлт өкілдерін, кең пейіл қазақтар жылы қабылдап өз төрлерін ұсынды. Бір нанды бөліп жеді. Оларға жағдай жасады… Міне, осындай көңілі дархан қазаққа алғыс айту, әр ұлт өкілінің ұрпағының парызы десек артық болмас.

Аталмыш кітап көрмесінде кітапхана қорындағы әр ұл тарихына байланысты тарихи және әдеби кітаптар қойылды. Қазақстан жерін мекендеген жер аударылып келген басқа ұлт өкілдерінің өмірінен сыр шертетін естелік жазбалар мен қоса мерзімді басылым беттерінде жарық көрген мақалалар қойылды.

Кітап көрмесіне Қазақстан халықтар Ассамлеясының өкілдері, кітапхана пайдаланушылары қатысты.