Абайтану ілімінің білгірі: ашық диктант

  • 15.03.2016

Наурыз айының 15-ші жұлдызы күні кітапханада Семей қаласы №10 ЖББМ 10 «а» орыс сыныбы оқушылары және Семейдің көлік, «Қайнар» колледждері студенттерінің арасында ғалым, абайтанушы Қайым Мұхаметхановтың туғанына 100 жыл толуына орай «Абайтану ілімінің білгірі» атты ашық диктант ұйымдастырылып, өткізілді.

Диктант жазғызудың мақсаты: әр адамның өз сауаттылығын тексеруіне, Қайым Мұхаметханұлының өмірі мен шығармашылығынан хабардар болуына мүмкіндік беру, сондай-ақ заманауи қоғамда сауаттылықтың маңыздылығын атап өту.

Ашық диктанттың модераторы №10 ЖББМ тәжірибелі ұстазы, қазақ тілі мен әдебиет пәнінің мұғалімі Амренова Гүлдана Сапарғалиқызы диктант талабына сай мәтін сөйлемдерін түсінікті де анық етіп, мәнерлеп оқып берді.

16

Диктант мәтініне «Қайым туралы сөз» кітабындағы филология ғылымдарының докторы, профессор Арап Еспенбетовтың «Санамызға нұр құйды» мақаласынан үзінді алынды. Диктантқа қатысушылар шара соңында өздерінің диктантты қалай жазғандарын, экран арқылы көріп тексерді. Аталмыш мектеп пен колледждерден шараға жиыны 11 пайдаланушы қатысты. Шара нәтижесі бойынша диктантты сауатты әрі көркем жазған №10 мектептің 10»а» орыс сыныбының оқушылары Лейс Анастасия, Маломошинов Никита, Муканова Мадина, Ерболов Руслан, Ахметов Руслан, «Қайнар» колледжінің студенті Қанидоллаева Тоғжан және көлік колледжінің студенттері Сембайұлы Медеу, Алтынбеков Нұрболдар алғыс хаттармен марапатталды.