Қаламгердің сан қыры: виртуалды көрме

  • 12.04.2016

Абай атындағы кітапханада 2016 жылдың 12 сәуірінде жазушы, журналист, драматург, «Құрмет орденінің иегері Медеу Сапаұлы Сәрсекенің 80 жылдық мерейтойына «Қаламгердің сан қыры» атты виртуалды көрменің тұсаукесер рәсімі өтті.

Көрменің мақсаты – кітапхананың бай өлкетану қорында бар жазушы шығармашылығына байланысты мағлұматтарды оқырман назарына ұсынып, бүкіл саналы ғұмырын сәтпаевтануға арнаған қаламгердің өнегелі өмірін дәріптеу арқылы жас ұрпақты адами құндылықтарға тәрбиелеу және ақпараттар алу мүмкіндігіне кеңінен қол жеткізу.

Шараға қаладағы агробизнес, Р.Байсейтов қаржы-экономикалық колледж студенттері, № 2, 8 орта мектеп оқушылары мен мұғалімдері, кітапханашылар, зиялы қауым өкілдері қатысты. Виртуалды көрме 11 бөлімнен тұрады. Көрменің бөлімдеріне кітапхана қорындағы барлығы 30-дан аса мерзімді басылым беттеріндегі мақалалардың толық мәтіні орналастырылып, 70-тен аса әдебиеттер тізімі және жазушымен сұхбат бейнежазбалар пайдаланушылар назарына ұсынылды.

13
Кешке қатысқан қонақтарға сазгер Т.Рахимовтың шәкірті, талантты жас әнші Жасұлан Тәжиев домбырасымен күмбірлете ән шырқап, әсем дауысымен қатысушылардың зор ықыласына бөледі. Жазушының шығармашылылығы туралы сөз алған қонақтардан кейін, қаламгер жазудың машақаты мен зейнеті туралы өнегелі әңгімесімен білім жолында жүрген жастарды ұйытып, еңбек етуге, шыншыл болуға үндеді. Шара соңы Медеу ағаға кітапхана атынан сыйлыққа кітап ұсынылып, жастардың сұхбаттасуымен және суретке түсуімен түйінделді.