Қазақстан Республикасының Тұңғыш Президенті – Елбасының кітапхананасынан келген қонақ

  • 21.07.2016

21 шілде күні Абай атындағы кітапханада «Қазақстан Республикасының Тұңғыш Президенті – Елбасының кітапхананасы» мұрағат секторының жетекшісі Бимолдин Жангелді Бержанұлы Семей ядролық сынақ полигонының жабылуының 25 жылдығына байланысты Президент кітапханасының мұрағатын толықтыру мақсатында іссапармен болды.

Семей ядролық сынақ полигонының жабылуының 25 жылдығына ұйымдастырылған «Ядролық қарусыз бейбітшілік әлемге» тақырыбында дәстүрлі экспонатталған және виртуалды кітап көрмелеріндегі тың материалдар мен бірегей кітаптарды, «Семей-Невада» қозғалсының вице-президенті С.У.Картоевтың жеке кітапханасынан алынған көптеген фотокадрлардың көшірмелерін Президент кітапханасының мұрағатын толықтыруға алуға ниет білдірді.

222

Ж.Бержанұлы кітапхананың тарихымен, «Абайдың рухани орталығындағы» сирек басылымдармен, Қ. Мұхамедовтың 100 жылдығына арналған «Ғалым.Тұлға.Қайраткер» тақырыбындағы экспонатталған кітап көрмелерімен танысып, кітапхана ұжымына шығармашылық табыс тіледі. Кітапханашылар Елбасының кітапхананасына семей өңірінің жазушылары, көрікті жерлері туралы библиографиялық басылымадар сыйлады.