Жаңа кітаптар, Сіздер үшін!: кітап көрмесі

Абай атындағы кітапханада 26 шілде күні «Жаңа кітаптар, Сіздер үшін!» тақырыбында жаңа кітаптарды пайдаланушыларға таныстыру мақсатында кітап көрмесі ұйымдастырылды.

Жаңадан келіп түскен кітаптар, бүкіл әлем болып оқитын детектив жанры, қазақ, орыс тіліндегі көркем әдебиеттер. Атап айтсақ: Ілияс Есенберлиннің «Көшпенділер» трилогиясы, «Атамұра кітапханасы» сериясымен жарық көрген К.Салықовтың «Жезкиік», М.Сатыбалдиевтың «Мен ақ жаңбырмын», «Жыр маржаны», он томдық қазақ поэзиясының антологиясы, «Библиотека Казахской Литературы» сериясымен орыс тілінде жарық көрген Д.Исабековтың «Эхо легенды Ай-Петри», М.Жұмабаевтың «Пророк». С.Кингтің «Мертвая зона», «Кэрри», М.Ахмановтың «Бойцы Данвейта», «Окно в Европу» т.б. кітаптары көпшілік қауым назарына ұсынылып, ақпараттар берілді. Жаңадан әрлендіріп басылып шыққан рухани қазынамыз көздің жауын алады. Кітап көрмесіне 35-тен арта кітап қойылып, пайдаланушылар көрмедегі әдебиеттермен тамыз айы бойы таныса алады.