Компьютер меңгерудің негіздері: тренинг

Шығыс Қазақстан облыстық Абай атындағы әмбебап кітапханасы «Отбасы орталығы» қоғамдық қорымен бірлесіп, компьютерлік сауаттылыққа үйрету бойынша жаңа жоба бастады. 2016 жылғы 13-19 қыркүйек аралығында жоба шеңберінде «Компьютер меңгерудің негіздері» атты тренинг өткізілді. Шараға бес зейнеткер хабарландыру бойынша жазылып қатысты. Қатысушылар тренингте компьютер негізін меңгеріп: мәтінмен жұмыс жүргізу, құжаттарды жасау және сақтау, бағдарламаларды іске қосу, электронды жашікте тіркелу және Интернет жүйесінде іздеу жүргізу жұмыстарымен танысты. Зейнеткерлердің тренингтен алған білімдерін нақтылау мақсатында тәжірибелік тапсырмалар мен тест жүргізілді. Қатысушылар егде жасының кейбір қиындықтарына қарамастан тест қорытындысы бойынша алған білімдерін жақсы көрсете алды. Интернет орталығында егде адамдарды компьютерлік сауаттылыққа үйрету тәжірибесі одан әрі жалғасады.