Компьютер меңгерудің негіздері: тренинг

  • 27.09.2016

Шығыс Қазақстан облыстық Абай атындағы әмбебап кітапханасында 2016 жылғы 20-27 қыркүйек аралығында «Отбасы орталығы» қоғамдық қорымен бірлесіп жүргізетін жобасының шеңберінде «Компьютер меңгерудің негіздері» атты тренинг өткізілді. Шараға 36 мен 73 жас аралығындағы төрт қатысушы қатысты. Қатысушылар тренингте компьютер негізін меңгерді және қосымшалармен танысты. 5 күн ішінде олар компьютердің жұмыс істеу принципін үйреніп, компьютер «тышқанын» қолдануға дағдыланды. Тренинг барысында алған білімдері қатысушылардың болашақта тұрақты компьютер пайдаланушылары болады деген сенімдеміз. Енді компьютер негіздерін меңгерген екі қатысушы ғаламтор арқылы қажетті ақпаратты тауып, таныстарымен қарым-қатынас жасау үшін «Интернет негіздері» атты келесі курсқа жазылды.