Қайырымдылық акциясы

  • 13.10.2016

13 қазан күні Абай атындағы кітапхана қызметкерлері «Тәуелсіздік мерейтойына – 25 игі іс» акциясы шеңберінде «Қазақстан Республикасының Қызыл Ай Қоғамының медбикелік күтім ауруханасында» «Мейірімділік айы» акциясы аясында қайырымдылық акциясын ұйымдастырды. Кітапхана жыл сайын осындай қайырымдылық акцияларды өткізуді дәстүрге айналдырып отыр. Қамқорлықты қажет ететін жандарға қол ұшын беру арқылы адам баласы жақсылыққа қадам бастайды. Кітапхана қызметкерлері аурухана емделушілеріне жылы киімдер, сырт киімдер, жуынуға арналған заттар табыс етті. Емдеу мекемесінің аға медбикесі Г.С.Такиева кітапхана тарапынан көрсетілген көмек пен қамқорлыққа ризашылығын білдірді.