Елбасы – ел мақтанышы, ел тірегі: кең көлемді кітап көрмесі
22 қараша күні Абай атындағы кітапхана Қазақстан Республикасының Тәуелсіздігінің 25 жылдығына арналған «25 жұлдызды күн» шеңберіндегі алғашқы шараны «Елбасы – ел мақтанышы, ел тірегі» атты кең көлемді кітап көрмесімен бастады. Көрмеге Ұлт көшбасшысының елімізді басқаруда атқарған ұлан ғайыр істері мен сұңғыла саясаткерлігін, тәуелсіздіктің алғашқы қиын қыстау жылдарынан бастап бүгінгі қарышты даму жолдарындағы атқарған қызметтері жайлы баяндайтын «Размышление о лидере», М. Қасымбековтың «Елін сүйген, елі сүйген Елбасы», «Первый президент Республики Казахстан Хроника деятельности 1990 -2011гг», «Кемеңгер», «Қазақстан даму стратегиясы», Н.Ә.Назарбаевтың «Халыққа арнау. Слово к народу», «Қалың елім қазағым», «Ой бөлістім халқыммен», «Тарих толқынында», «Әлем Қазақстан туралы, Президент туралы», «Президент Н.А. Назарбаев и современный Казахстан», Том III. Н.А. Назарбаев и внешняя политика Казахстана» және т. б. жиыны жүзден аса кітаптар мен мерзімді басылымдар қойылды
Шара барысында студенттерге жас мемлекетіміздің өміріндегі ұлы өзгерістер, ұлтты қайта өрлетудегі Елбасының ұланғайыр еңбегіне шолу жасалды. Көрме 16 желтоқсанға дейін пайдаланушылар назарына ұсынылады.
