Шығыс Қазақстанның 25 ғажайып орны: видео – экскурсия
2016 жылдың 3 желтоқсанында Абай атындағы кітапхананың қызметкерлері Қазақстан Республикасының Тәуелсіздігінің 25 жылдығына байланысты «25 жұлдызды күн» акциясы аясында, Семей гуманитарлық-құқық және техникалық колледжінің студенттері мен ұстаздарына арнап, «Шығыс Қазақстанның 25 ғажайып орны» тақырыбында видео экскурсия өткізді.
Тәуелсіздік алған жылдарда Шығыс Қазақстан облысының әлеуметтік-экономикалық жағдайы жақсарып, индустриямыз дамып, инвестициялар саны артып, агроөнеркәсіп саласында көптеген игі істер жүзеге асырылып, мәдениет саласы да қарқынды дамыды. Шара барысында Шығыс Қазақстан облысының Тәуелсіздік жылдары жеткен 25 жетістіктер жайлы тындаушылар назарына деректі фильм ұсынылды. Колледж ұстаздарының сұранысы бойынша ұйымдастырылған «Елбасымен нұрлы болашаққа» атты кең көлемді кітап көрмесінде Қазақстан Республикасының даму жолдары мен Елбасы Н.Ә.Назарбаевтың атқарған ерең еңбектері жайлы кітаптар қатысушылардың көңілінен шықты.
