Шығыс Қазақстан – өндіріс аймағы: экспозицияланған кітап көрмесі

5 желтоқсан күні Абай атындағы кітапханада ҚР Тәуелсіздігінің 25 жылдығына арналған «25 жұлдызды күн» шеңберінде «Шығыс Қазақстан – өндіріс аймағы» атты экспозицияланған кітап көрмесі ұйымдастырылды.
Шығыс Қазақстан республикамыздың ірі өнеркәсіптік, энергетикалық, аграрлық, көлік және мәдени өңірі. Мұнда көптеген өнеркәсіп саласы белсенді дамуда: түсті металлургия, машина жасау және аспап жасау, құрылыс, орман, ағаш өңдеу, жеңіл, тамақ өнеркәсібі, өсімдік, мал шаруашылығы. Аталмыш көрмеге ШҚО және Семей қаласы кәсіпорындары туралы кітаптар, буклеттер, брошюралар қойылды. Бұл «Семей цемент зауыты» ЖШС, «Семей ет комбинаты» ЖШС, машина жасау және кеме жөндеу зауыттары, ұн-құрама жем комбинаты, сүт өңдеу мен сүт өнімдерін шығарушы «Эмиль» компаниясы, «Казполиграф» ЖШС және басқалар. Көрмені түсті жарнамалық парақшалар, макеттер, шығарылатын өнімдерінің муляждары, оқу орындары, мұражайлар, театрлар, туристік агенттіктер туралы брошюралар, буклеттер толықтырды.
Кітапхана оқырмандары Шығыс Қазақстан, оның ішінде Семей қаласының жеңіл және ауыр өнеркәсіп бойынша жетекші орын алып қоймай, еліміздің мәдени-тарихи өңірлерінің бірі екендігі жайында мол ақпараттар алып, көрмеге ерекше қызығушылықтарын танытты.