ЭКСПО 2017 – болашақ энергиясы: слайд-презентация

2016 жылдың 10 желтоқсаны күні Абай атындағы әмбебап кітапханасының қызметкерлері Қазақстан Республикасы Тәуелсіздігінің 25 жылдығына арналған «25 жұлдызды күн» шеңберінде қаламыздың №12 жалпы білім беретін мектептің оқушыларына «ЭКСПО 2017 – болашақ энергиясы» тақырыбына слайд-презентация өткізіп қайтты. Шара барысында Бүкіләлемдік көрме жайында қызықты фактілер мен оқиғалар және Халықаралық көрмелер бюросының жұмыстары жайында көптеген мәліметтер беріліп, көрменің маңыздылығы жағынан ірі экономикалық форумдармен, туристік тартымдылығы бойынша әлемдегі ең танымал спорттық ойындармен салыстыруға болатындығы айтылды. Шараға қатысушылар назарына әр елде өткізілген Халықаралық көрмелердің бейнедеректері ұсынылды. Осы көрмелерде алғаш рет қонақтар назарына ұсынылған қызықты 10 дерек: телефон, фонограф, рентген аппараты, көзбен шолу дөңгелегі, ұялы телефон, сенсорлы экран және басқа да өнертабыстары туралы мәліметттер тындаушылардың қызығушылығына ие болды. Сонымен қатар, Қазақстанда ЭКСПО – 2017 көрмесін өткізу үшін жүргізіліп жатқан құрлыс жұмыстары, жаңа технологиямен, яғни күн, жел, жер мен судан алып жатқан қуаттарды пайдалана отырып салынып жатқан көрме кешендері жайлы мағлұматтар беріліп, «Болашақ қуаты» атты деректі фильм көрсетілді.
Халықаралық “ЭКСПО – 2017” көрмесіне қатысты іс – шаралар әлі де жалғасын табады.