Желтоқсан оқиғасына 30 жыл: бейнеэкскурсия
15 желтоқсан күні Абай атындағы кітапханада Қазақстан Республикасының Тәуелсіздігінің 25 жылдығына арналған «25 жұлдызды күн» шеңберінде «Желтоқсан оқиғасына 30 жыл» тақырыбында бейнеэкскурсия ұймдастырылды. Іс-шараға №10 мектептің 6 сынып оқушылары қатысты. Шараға қатысушылардың назарына «Желтоқсан шежіресі» атты бейнефильм ұсынылып, фильм арқылы оқиғаның белсенді қатысушылары ұлт батырлары Қ.Рысқұлбеков, Л.Асанова, Е.Сыпатаев және т.б. ерліктерімен танысты. Шара барысында фильм бойынша және желтоқсан оқиғасының себебі, желтоқсан оқиғасының қатысушылары, Қазақстан рәміздері, мемлекеттік тіл, мемлекеттік мейрамдар т.б. тақырыпта викториналық сұрақтар қойылды. Оқушылар викториналық сұрақтарға белсенді түрде жауап беріп, Қазақстан тарихы туралы білімдерінің жоғары екендігін көрсетті. Белсенділік танытқан оқушыларға кітапхана тарапынан кітаптар сыйға берілді. Шара соңында арнайы жасақталған «Желтоқсан жаңғырығына – 30 жыл» атты кітап көрмесіне шолу жасалынды.
