25 ақпан күні Абай атындағы кітапханада «Әлемдік ойдың алыбы» атты Ә.Тәжібаев атындағы Қызылорда облыстық кітапханасының әріптестері және оқырмандармен онлайн-кездесу өтті.
Кездесу Ә.Тәжібаев атындағы Қызылорда облыстық әмбебап ғылыми кітапханасының директоры Мырзамұратова Нұржамал Ахметқалиқызының алғы сөзімен ашылып, Қорқыт Ата атындағы мемлекеттік университетінің оқытушысы, доцент Айтбаева Айман Ералықызының Абайдың философиялық дүниетанымымен, рухани дамуындағы оның шығармашылығының рөлі жайындағы баяндамасымен жалғасты. Сонымен қатар, Қорқыт Ата атындағы Қызылорда мемлекеттік университетінің филолог мамандары мен абайтанушылар ақынның өмірі мен шығармашылығына тоқталса, студент жастар ақынның өлеңдерін мәнерлеп оқыды.
Абай атындағы кітапхананың қонақтары ҚР мәдениет қайраткері, ақын, ұстаз Дәметкен Омарбаева мен «Халықтың ақындар орталығының» шәкірттері жалынды жас ақындар болды. Іс-шара барысында Абай Құнанбайұлының шығармашылығы мен әндеріне тоқталып, кітапхана қызметкері Қуандық Кенжебекұлы Абайдың әнін шырқаса, жалынды жас ақындар Абай Құнанбайұлына деген жауһар жырларын арнады.
Онлайн-кездесуге қатысушылардың назарына Абай атындағы кітапхана қорынан Абай оқыған кітаптарға, оның мұраларына, орыс және шетел ақындары мен жазушыларының аудармаларына ерекше назар аударылды.
Кездесу соңын Абай атындағы кітапхананың қызыметкерлері дайындаған, Абай оқыған кітаптар туралы бейнероликпен, оның қоғамдық қызметі туралы слайд көрсетілімімен тәмәмдалды.
Comments are closed.