Астана: кеше, бүгін, ертең: ақпараттық сағат

Семей қаласындағы «Семей қаласының жалпы үлгідегі қарттар мен мүгедектерге арналған медициналық-әлеуметтік мекемесінде» Қазақстан Республикасының астанасы -Астана күні мерекесіне арналған «Астана: кеше, бүгін, ертең» тақырыбында ақпараттық сағат өткізілді.
Медициналық-әлеуметтік мекемесінің қамқорлығындағыларға 1465 жылдан бастап бүгінгі кезеңге дейінгі қазақ хандығы дәуіріндегі астаналар тарихынан бастап, қазіргі уақытқа дейінгі тоғыз астананың қалыптасу тарихы таныстырылды. Тыңдаушылар, әр астананың қазақ мемлекеттілігі тарихындағы белгілі бір кезеңді белгілеп, әр қаланың өз миссиясы болғандығын, хронологиялық реттілік бойынша Қазақ хандығы мен Қазақстан Республикасының астаналары: Созақ, Сығанақ, Түркістан (Ясы), Ташкент, Орынбор, Семей (Алаш автономиясының астанасы), Қызылорда, Алматы, Астана болғанын білді. Аудитория осы қалалардың тарихымен егжей-тегжейлі таныстырылып, экраннан осы елді мекендер мен қалалардың тарихи және заманауи көрінісі көрсетілді. Астананың заманауи көрікті жерлері Бәйтерек, Ақорданың Президенттік резиденциясы, Бейбітшілік және Келісім сарайы, Тәуелсіздік сарайы, Тәуелсіздік алаңы, Хан Шатыр сауда орталығы, Орталық мешіт, Ботаникалық бақ, Абу-Даби плаза, «Атамекен» миниатюралар паркі және т.б. көрікті орындар көрермендердің ерекше қызығушылығын тудырды. Іс-шара барысында «Астананың бір күні» деректі фильмі көрсетілді.
Медициналық-әлеуметтік мекеменің қамқорлығындағылардың назарына кітап көрмесі бойынша шолу жасалып, аудиторияны М.Әбсеметов «Мыңжылдық тарихы бар қала», В.П. Патраковтың «Астана – Еуразияның бастауы», «Астана хикаялары», Ш. Шахай «Астана – Қазақстанның жүрегі» және т.б. кітаптарымен таныстырды.