Мемлекет рәміздері – ел мақтанышы: кеңейтілген кітап көрмесі

18 мамыр күні кітапханада «Мемлекет рәміздері – ел мақтанышы» атты кітап көрмесі ұйымдастырылды. Іс-шараға «Қазақстан су жолдары» МКҚК «Кеме қатынасы тіркелімі» филиалының мамандары қатысты.
Кітапханашы Тудың, Елтаңбаның және Гимннің тарихы туралы ақпараттар беріп, мемлекеттік рәміздердің авторларымен таныстырды. Көк тудың авторы суретші Шәкен Ниязбеков, Елтаңба авторлары – Жандарбек Мәлібеков пен Шота Уәлиханов, әнұран әуенінің авторы Шәмші Қалдаяқов, әнұран мәтінің авторы Жұмекен Нәжімеденовтер туралы көп мағлұмат алды.
Көрмеде Е. Шаймерденнің «Елтаным», «Шаңырақ пен шырақ», И. Ерофеевтің «Символы Казахской Государственности», «Менің Отаным – Қазақстан» және т.б. кітаптар қойылды. Сонымен қатар, мамандарға экскурсияс жүргізіліп, таныстыру барысында кітапхананың құрылған 1883 жылдан басталған тарихымен, сонымен қатар кітапхана пайдаланушыларына көрсетілетін қызметтердің заманауи спектрімен танысты. Сондай-ақ оқырмандар назары кітапхананың сирек қорына, Абай оқыған кітаптарға, Абайдың рухани орталығына, М.О.Әуезовтің туғанына 125 жыл толуына орай ұйымдастырылған көрмеге аударылды.