Біз достармен зерікпей ойнаймыз және оқимыз: ойын бағдарламасы
16 шілде күні Абай кітапханасының балалар әдебиеті бөлімінің ұйымдастыруымен табиғат аясында «Біз достармен зерікпей ойнаймыз және оқимыз» атты танымдық-ойындық бағдарламасын өткізді. Бұл бағдарламаға «Sapsan» зияткерлік мектебінің тәрбиеленушілері қатысты. Балалар таза ауада түрлі қызықты ойындар ойнап, оқыған кітаптарын мазмұндап берді. Сондай-ақ, викториналық сұрақтарға қатысып, белсенділік танытты. Кітапхана қызметкерлері балаларға қызықты кітаптарды ұсынып, бірге кітап оқуға мүмкіндік жасады. Мұндай шара балалардың бос уақытын тиімді өткізуге, оқуға деген ынтасын арттыруға және табиғатпен жақындасуға мүмкіндік береді.
