Өлкетанушылардың табыстары: өлкетану қоңақжайы
2018 жылдың 20 қыркүйегінде Абай кітапханасында «Прииртышье» өлкетану қоры, «Туған қалам» қоғамдық қоры және Абай кітапханасының ұйымдастырумен өлкетану қонажайының «Өлкетанушылардың табыстары» тақырыбына арналған отырысы өтті. Кезекті отырыс «Рухани жаңғыру» бағдарламасы аясында өткізіліп, алдымыздағы жексеңбіде тойланатын қала күніне арналып, оған қалалық әкімшілік қызметкерлері, қала мектептерінің тарих пәні мұғалімдері мен кітапханашылар қатысты. Аталмыш шараны қала әкімінің орынбасары Н.В.Шарова ашты.
«Прииртышье» өлкетану қоры құрылғаннан бастап туған өлкемізге байланысты көптеген тарихи және археологиялық материалдар жинады. Өлкетанушылар Талицкий және Шульба форпостына және қазір сирек кездесетін Ақ тас тауларынан тапқан олжалары туралы қатысушыларға қызықты әңгімелеп берді. Бұл жаңалықтарды өлкетанушылар ғарыштан заманауи технологияларды – спутникті бақылау арқылы жасады. Ертістің сол жағалауындағы олжалардың бірі тіске ұқсас тас болды, зерттеуден кейін анықталғандай, бұл гиппарионның жақ бөлігі, жасы 2 млн.жылға жуық жылқы болғандығы жайлы жаңалық қатысушылардың үлен қызығушылығына ие болды. Жақында Мұқыр өзені маңында тағы бір олжа табылды. Бұл «Мұқыр аңшысы» деп аталған ежелгі адам, ол бойынша зерттеуді Семей мемлекеттік Шәкәрім атындағы университеттің оқытушысы тарихшы және археолог А. Исин жалғастырып келеді. Осы өзен бойынан Қоянды жәрмеңкесіне Қарқаралы жағына өтетін өткелдің орны да анықталды. Біздің өлкетанушыларымыз Дельбегетей, Архат тауларында жартасқа салынған суреттер мен ШҚО аумағындағы жалғыз геоглифтерді тапқандықтарын қуанышпен айтып берді.
Кітапхана қызметкерлері 18-19 ғасырдың аяғындағы өлкемізде жүргізілген археологиялық ізденістермен таныстырды. Семейде археологиялық ізденістерді Е.П. Михаэлис, Ф. Н. Педашенко, Н. Коншин, А.А. Адриановым және ағайынды Белослюдовтар бастағандығы жайлы мәліметтер беріп, сирек қорымызда сақталған әдебиеттерден құрастырылған кітап көрмесі мен өлкетанушылардың тас, қола және темір дәуірінің заттары қойылған олжаларының көрмесі қатысушылар назарына ұсынылды. Олардың ішінде Жоңғар, Қытай, патшалық Ресей монеталары, түрлі кезеңдердегі құлыптардың коллекциясы, керамика, қола айна, еңбек құралдары, тас шам, түркі жауынгерлерінің шыңдарының ұштықтары, сондай-ақ жартас петроглифтерінің суреттері орын алды.
Іс-шарада айтылған ақпарат педагогтарға оқушы жастар арасында өлкетану білімін танымал етуге көмектесу үшін әдістемелік сипатқа ие болды. Мұғалімдер қауымы ұйымдастырушыларға өздерінің алғыстарын айтып, болашақта тығыс байланыста жұмыс жасауға ниеттерің білдірді.