Қош келдің жайдарлы жаз: балалар мерекесі

  • 02.06.2016

2 маусым күні «Нұр Отан – балаларға!» республикалық акциясы аясында Семей қалалық «Нұр Отан» партиясы, «Исток» қоғамдық ұйымы және Абай атындағы кітапхана «Қош келдің жайдарлы жаз!» атты балалар мерекесін өткізді.

Мерекеге мүмкіндігі шектеулі балалар қонаққа келіп, ертегі әлеміндегі Мыстан кемпір, қоян кейіпкерлерімен кездесті. Балалар үш секциядан тұратын: «Театрлық», «Спорттық» және «Ертегілер» ойын алаңында емін-еркін ойнап, би билеп, ән салып өздерінің көңілдерін көтерді. Мерекенің басты кейіпкері «Жаз маусымын» балалар қуанышпен қарсы алды. Өздерінің армандары мен тілектерін гүл түрінде жазып аспанға шармен ұшырды.

03
Шара соныңда демеушілік көрсеткен КТ «System Solutions» атынан Руслан Кибке балаларға тәтті сыйлықтар мен ойыншықтар тарту етті.