Мақтанышым – мемлекеттік рәміздер: тәрбие сағаты

  • 03.06.2016

3 маусым күні Абай атындағы кітапханада 4 маусым – ҚР Мемлекеттік рәміздері күніне орай «Мақтанышым – мемлекеттік рәміздер» атты №37 мектеп – гимназияның «Балауса» жазғы балалар лагері оқушыларына тәрбие сағатын өткізілді. Іс-шараның мақсаты: балалардың Қазақстан Республикасының Мемлекеттік рәміздері және олардың бейнелік мағыналары туралы мағлұматтарын толықтыру, авторларымен таныстыру, Отанын, елін, жерін құрметтей білуге тәрбиелеу.

IMG_9032

Мемлекеттік әнұранмен басталған тәрбие сағаты рәміздерге жеке-жеке тоқталып, слайд-викториналық шолу арқылы баяндалды. Слайд – викторинада оқушылар өздерінің алғырттығы мен жан-жақты ой-өрісінің кеңдігін көрсете білді. Шара барысында оқушылар «Мемлекеттік рәміздердің белгілерін білесің бе?», «Менің Отаным -Қазақстан» атты тақырыптық ойындар мен викториналарға белсене қатысып, салтанатты түрде еліміздің рәміздерін сақтауға, адал еңбек етуге ант берді.

Шара соңында балалар «Көк ту және достар» атты мультипликациялық фильмді тамашалап, патриоттық рух беретін Алмас Ахметбекұлы мен Ермұрат Зейіпханның «Көк тудың желбірегені» әнін орындады. Жүргізуші шараны балалар, Қазақстан Туымен тұғырлы, Елтаңбасымен еңселі, Әнұранымен айбатты. Олай болса, еліміздің болашағы сендерсіңдер! Отанды сүюге, қорғауға әрқашанда дайын болыңдар!- деген жүрекжарды тілегімен аяқтады .